الأربعاء، 2 ديسمبر 2009

علمتنـى , وعلّمـت عليّـا ..




مش دايمـا عشـان تتعلم الصح لازم تروح مدرسـة ..

ولا حتى تروح الجــامع أو الكنيسـة ..

ممكـن تتعلم حـاجة صـح من نــاس ممتوقعهمـش خالص , أو تكـون فاكـرهم ميملكـوش حاجة صح أصلا عشـان يعلموهـالك ..

فى ليلة من ذات ليـالى الشتـا , من حـوالى سنتيـن تقريبــا , قـررت أنا واتنيـن صحـابى نـروح " حفلـة " ..

مش بتـاعة مطـرب ولا حاجـة لا سمح الله :) , دى حفلـة من اللى بتبقى بالـ( D J ) وشبـاب وبنــات ورقـص وهيبــرة , وارقـص يا محمد يابو سويلم !! , الجـو بيـرة وخمـرة منتشـرة , دخـان فى كل حتة.. البنـات معظمهـا لابسـه مالا يحمـد عقبـاه ..

قضينـا الليـل فى محاولات "تظبيط" بعض المتمايلات , بعضها بائت بالفشل .. والبعض كتب له النجـاح , ياللا ماعلينـا
قرب النهـاية كده وبعد الفـرهدة والمـرواح والمجـىّ , قلنـا نقعد على طرابيزتنا (هى بالتـاء ولا بالطـاء ؟) ونحتسـى الـ(سوفت درينك)
قاعدين عادى جدا فى أمـان الله , فاذا بـ(مزّة) عيـار 24 تصهلل وتتمـايل مع صديقاتها من السكـر والدرمغـة , والذى جعلها - بطبيعة الحال - لا تعرف أنهـا جائت حتى الحـافة الفـاضية فى طرابيزتنا ليظهــر مع عدم اتـزانهـا هذا الـ (G-STRING) من تحـت البنطلـون .. !

ولمــن لا يعـرف الـ(G-STRING ) , فهـو - أعـزكم الله - عبـارة عن خيط " أى والله خيط " يستعـاض بـه عن الـ " under wear" الحــريمى ( نفسى أعــرف ليــه ؟) ..

المهــم .. وتحت تأثير الصدمـة , انجعص كل منـا فى مكـانه , تاركـا ما تبقـى من (سوفتـه) فى الكـأس بلا اهتمـام .. متأمليـن فى هـذه الصدفة السعيدة التى جـائت بالمـزّة السكيـرة حتى عندنـا لنـرى ونتفـرج , ويمكـن " نظبط الاداء"
لكـن لحظـة التأمل لم تدم كثيـرا على الصيـّع الـثلاثـة حينمـا لمحتهم المـوزة واقعين تحت تأثير الـ(G-STRING ) العزيـز ..

تقوم تعمـل أيه بنت السكــرانة ؟

أخدت كاس صديقى الأول , وصبته فى كاسى , وأخدت كاس صديقى الثانى , وصبته فى كاسى ..

وراحت رافعة الكاس كله علـى بــوء واحـد , ثم هبدت الكاس على الترابيزة على طريقـة سكّيـرى الأفلام العربـى , ثم اتبعت ذلك بجملة لن أنسـاها ما حييت : " مع أنـى مش متعــودة اخد حـاجة مش بتاعتـى ! " , ثم ذهبت فى حـال سبيلهـا بعدمـا تركتنـى غـارقـا فى الجمـلة التى قالتهـا هـذه المسطــولة ..

وحتـى لحظـة كتــابة هذه السطـور , نفســى أعــرف ..

يا تــرى كـان قصدهــا أيـه ؟

هناك 6 تعليقات:

  1. أكيد مستلفة الـ G-String

    ردحذف
  2. جميلة بس
    صراحة تكسف
    وبالتالى مش
    اكتب اسمى الحقيقى

    ردحذف
  3. انا معاك ان الواحد ممكن يتعلم من اى حد حتى لو كانت واحدة سكرانة
    او واحدة كافرة


    بس يارب يكون ربنا هداك ومتكونش بتروح لسه الاماكن اللى زى دى

    ردحذف
  4. انا بقى ظبت بت جامدة اوى اليوم دة خرجنا مرة واحدة بس قبل ما تختفى بجد قعدت تحلفلى انها كانت اول حفلة ليها و مشوفتهاش تانى واختفت لما حست انى مش مهتم اصدق ولا لا...
    فكرة ان تنبت بذرة شىء حميد وسط تربة الخبث لم اكن اسمع عنها ولازلت لا اصدقها...
    الفكرة جذورها ملتوية بطرق فكر كثيرة اخرى المغفرة والتسامح والثقة فى النفس قبل الغير وقبل كل ذلك فكرة من منا بلا اخطاء

    ردحذف
  5. Ana 7a2olak ya sidi2sdha aa hya bt2olkm b a5tsar anto mfkrni sakrana !! l2 ana mosh skrana!! aw bm3na asa7 ana momkn ab2a skrana w fi nfs w wa2t ma7dsh 7ystghlni aw yda7k 3lya ala b mzagy !! eli hoa b a5tsar btdyko dars 3shan konto btboso 3liha !! akid ant nw fahmt asdi
    W akid ant fahmt asdy nw bs bgd well done!! kol m7ata fi 7yatk lazm tkon aditak dars kbir gdn w kaman kol sha5s ant momkn tkon shyfo tafh bs momkn ta5od mno dars kbir awe 7ta lw kan elsha7at eli 3aml nfso rglo m2to3a w a3d fi shar3 3shan kda b2olk an eltby3a di gharyba awe kol ma7btoslha kol ma7tsghrb aktr w aktr l2nha fi nfs wa2t gamila w ghamdaw gharyba w mo5yfa bs 7lwa awe!!

    ردحذف
  6. خذتك عليه

    ردحذف